Чуашстан мөселманнары Диния нәзарәте Урмай авылы «Тау башы» мәчетендә, беренче июньдә узачак баралар Сабантуе оешма комитеты утырышы булды. Киңәшмәдә Чувашия мөфтие Ильяс хазрат Сафиянов, мәхәллә активы һәм башка чакырылган кунаклар катнашты.
Мәчет имам-хатыйбы Рафаил хәзрәт Минадиев җыелган халыкны мәхәлләнең эш планнары белән таныштырды.
Бик зур планнар куелган! Республика балаларыннан гайри, күрше республика вәкилләре катнашуыда планда бар.
Авылның күрке- мәчет, мәчетнең күрке -халык, – диләр. Шунысы куанычлы: авылга ямь биреп торучы "Тау башы" мәчете эшләрендә халык бик теләп катнаша, җомга намазларына, бәйрәмнәргә шатланып-куанып җыелалар.
Төрле милләт һәм дин вәкилләре тыныч һәм тату яшәгән, нәтиҗәле хезмәттәшлек иткән республикабызда һәрчак рухи берләшү, аңлашу, дустанә аралашу шартларында уза торган балалар Сабантуе бәйрәмендә республиканың мөселман өммәте һәм мөхтәрәм милләттәшләребез бу бәйрәмне әзерләүдә һәм уздыруда актив катнашырлар дигән өметтә калабыз!